Hóast vit ikki hava so nógvar strendur í Føroyum, so hava vit nakrar, har tað væl hevði borið til at fyriskipa stevnur ella kappingar við strandarhondbólti. Í Youtube filminum omanfyri sæst, hvussu strandarhondbóltur gongur fyri seg.

Tað er ikki óhugsandi, at strandarhondbóltur verður at síggja í Føroyum í næstum.

Við hesum ynskir HSF øllum eitt gott summar!

U15 dreingir venja seinastu ferð fyri summarfrítíðina tann 11. juni 2010 í Vestmanna frá kl. 17-20. Hetta er 8. venjingin hjá U15 dreingjum síðani farið varð í gongd í februar og teir hava verið sera hugagóðir og hava møtt væl upp. U15 dreingir fevna um árgangirnir 95, 96 og 97 og tá ið byrjað var við venjingunum í vetur, varð hópurin nevndur U14 dr. Men við tað, at HSF hevur gjørt av, at somu hópar halda fram eitt ár afturat, verða dreingirnir eisini eldri og tí er heitið nú U15 dr.

Byrjað verður aftur at venja í august og nærri boð verða send við telduposti til hvønn einstakan leikara, umframt at tað eisini verður lagt á www.hsf.fo

Teir, sum eru í bruttohópinum hjá U15 dreingjum, eru hesir:

Tóki Seloy VÍF
Julian Olsen VÍF
Hanus Christophersen VÍF
John R. Nielsen VÍF
Áki Egilsnes VÍF
Torstein P Brattaberg VÍF
Sjúrður Olsen VÍF
Andor Sivertsen H71
Jónas G. Djurhuus H71
Rasmus D. Sørensen H71
Magnus W. Knudsen H71
Poul Símun Niclasen H71
Helgi Hoydal H71
Pætur Thomsen H71
Beinir Ólavsson H71
Hilmar Leon Jakobsen H71
Oddur Bech H71
Bartal Wardum Kyndil
Tummas Sørensen Kyndil
Teis Horn Rasmussen Neistin
Jógvan í Dímun Neistin
Rúni Eliassen Neistin
Kjartan Johansen STÍF
Andrias Fagradal STÍF
Jákup Pauli Ziskason Team Klaksvík
Kjartan Jacobsen Team Klaksvík
Súni Clementsen Team Klaksvík
Búgvi Johansen KÍF
Marni Reinert Jakobsen KÍF,

Mynd: Vagnur

Føroysku hondbóltsdómararnir, Andreas F. Hansen og Eyðun Samuelsen, skulu halda skil á bestu manslandsliðunum hjá Íslandi og Danmark í tveimum vinardystum í Íslandi 8. og 9. juni 

Skeið um Ítrótt, venjing og skaðar
Skeiðið verður 22 og 23 oktober 2010 í ÍSF-húsinum í Havn.  Fríggjakvøldi 22/10 kl. 18.00 til 22.00 og leygardagiin 23/10 kl. 09.00 til 17.00

Innihald
Venjing hví og hvussu, upphiting, anatomi og fysiologi, venjingarprinsippir, undirvísingarprinsippir, ítróttarskaðar, trygd og ábyrgd.

Ongin próvtøka er, men kravt verður at uppmøtingin er 100%. Eftir lokið skeið fært tú eitt luttøkubræv.

Skeiðið er ein partur av venjaraútbúgvingini hjá DIF, Danska Ítróttasambandinum. Møguleiki er sostatt at byggja víðari uppá skeiðið. Skeiðini eru í samsvar við ENSSEE, The European Network of Sports Science, Education and Employment.

Undirvísari er Ulrik Balle.

Málbólkur
Venjarir, hjálparfólk, leiðarar og ítróttarfólk.

Hvat fært tú burturúr
Á skeiðnum fært tú vitan um hvussu kroppurin virkar og hvat ein má taka hædd fyri í samband við venjing. Tú fært grundleggjandi vitan um venjing og fysiologi. Eisini fært tú vitan um hvussu ein stórur partur av ítróttarskaðum kunnu fyribyrgjast og um týdningin av rættari upptrening, um skaðin er hendur.
Luttakarirnir læra eisini at gera eina rætta RICE-viðgerð.

Luttøkukrav:
Krav er at luttarkarirnir hava luttikið á skeiðnum “Ítróttur fyri born og ung”

Luttøkugjald
Kostnaðurin fyri skeiði er 400 kr. Íroknað er frálærutilfar, matur og evt. gisting í FSF-húsinum. Um tit ynskja at gista mugu tit siga frá tá tit melda tykkum til skeiðið..

Tilmelding
Tilmelding er neyðug, send ein teldupost til ahl@isf.fo ella á tlf. 312606 ella 282331.

Meiri fæst at vita frá ÍSF skrivstovuni tlf.: 312606 ella frá Anniku á telduposti ahl@isf.fo ella á tlf.: 282331.

Fríggjadagin 28. mai vandu U18 gentur aftur. Venjingin var í Gundadalshøllini kl. 16 til 19. Eftir tað var so farið niðan á Tórsbreyt at taka konditiónstestir. Hesum skipaði Dia Midjord, landsliðsvenjari fyri. Tíverri, má sigast, at venjingarstøðan hjá gentunum í løtuni ikki er hin besta, so her má setast inn, bæði einsæris og í felag. Umframt testirnar lærdi Dia eisini genturnar ymiskar venjingar at styrkja bulin, t.e. búk og rygg. 

Samanumtikið var hetta var ein fínur venjingardagur, hóast bert helvtin møtti. Frágreiðingin til tað er, at boðini yvir teldupost komu allarhelst ikki fram. Møguliga er tað tí, at feløgini liggja still í løtuni og so koma boðini ikki víðari til leikararnar. 

Næsta venjing verður fríggjadagin 18. juni frá kl. 18 til 21 og eisini í Gundadalshøllini. Eftir venjingina ta venjingina er ætlanin at minka hópin frá 40 leikarum niður í uml. 20 – 25 leikarar. 

Við heilsan venjararnir Birgir og Geir
(Myndirnar hevur Birgir tikið)

Tveir av U-venjarunum, Kári Horn og Birgir Poulsen

Fundurin var hildin í ÍSF húsinum kl. 20 til 22. Møtt á fundi vóru Birgir Sondum, Geir Wardum, Anna Dam, Birgir Poulsen, Kári Horn, Hjalmar Klein Olsen, Eydna M. Mikkelsen, Sigvør Matras, Margrið Weihe og Jón Kragesteen.

Endamálið við fundinum var at samansjóða ætlanir og áskoðanirnar hjá eldsálunum, sum eru uppi í landsliðsarbeiðinum hjá HSF. Fundurin varð soleiðis fyriskipaður, at fyrst var frágreiðing frá øllum bólkunum, síðani var orðaskifti og samanumtøka.

Samanumtøkur og niðurstøður, sum gjørdar vóru á fundinum:

• Árgangirnir, sum eru saman nú, skulu fylgjast fram til komandi vár eftir kappingina
• Fundur fyri U-venjarar skal vera aftur áðrenn summarfrítíðina, har í minsta lagi hesi evni skulu umrøðast:
• Heildarætlan fyri, hvussu venjingin hjá ungu leikarunum skal fyriskipast. Her verður serliga hugsað um fysisku venjingina. Dia Midjord og møguliga Claus Rasmussen gera uppskot til slíka.
• Útskiljingin av leikarum. Henda skal verða fyriskipað eins við føstum mannagongdum, so at hon verður frágingin sum best.
• Venjingartímarnir skulu samskipast, so tey í vara av høllunum kunnu gera fastar ætlanir
• HSF útvegar danskar og svenskar venjingarbøkur til U-venjararnar
• Skulu landsliðsbólkar verða stovnaðir? Avgjørt varð, at hesin spurningur má verða viðgjørdur betri í starvsnevndini fyrst.
• Tað er í lagi, at leikarar gjalda 100 kr. hvørja ferð í vant verður. Men tað er ikki nakað krav at bólkarnir skulu gera hetta.
• Hvussu kann man halda dampin upp i hjá venjarunum? U-venjararnir høvdu eingi serlig ynski til HSF, annað enn tað, at liðini fáa eina gularót at arbeiða fram í móti. Her var nevnt, at HSF hevur sett pening av til U-liðini í komandi ári.
• Myndir av U-savningunum. Heitt varð á venjararnar at hava í huga at myndir altíð verða tiknar av venjingunum og at nakrar av hesum verða sendar til heimasíðuna.

Les alla frágreiðingina her: 10-0519 Fundur við U-venjarar 19. mai

Leygarmorgunin 15. mai kl. 10 var ársaðalfundur hjá HSF hildin í Hotel Føroyum.

Fundurin byrjaði við at formaðurin Kristian Johansen beyð vælkomin og boðaði frá, at starvsnevndin skeyt Jens Andreas Winther upp at vera orðstýrara. Hetta var einmælt samtykt. Síðani fekk formaðurin orðið til ársfrágreiðingina. (frágreiðingin verður seinni løgd út á netið))

Triðja mál á skránni var framløga av roknskapi, sum varð gjøgnumging og góðkendur av aðalfundinum. Av tí at einki mál var innkomið til aðalfundin, varð farið beinleiðis til 5. mál á skránni: val av nevndum og eykamonnum:

Fyri vali stóð Eina Gudmundsen, næstforkvinna, sum frammanundan fundinum hevði boðað frá, at hon stillaði ikki upp aftur.  Á fundinum vórðu tí sett fram hesi valevni til næstforkvinnu/man; Rolf Mouritsen (H71), Lasse Borðoy (StÍF) og Margrið Weihe (HSF). Í fyrsta umfari stóð á jøvnum millum Lassa Borðoy og Margrið Weihe, men eftir umval vann Margrið Weihe, sum sostatt er nýggj næstforkvinna í starvsnevnd HSF.

Síðan varð farið til val av 3 nevndarlimum. Sitandi nevndarlimirnir Sigvør Matras og Eydna Mikkelsen høvdu boðað frá, at tær tóku við møguligum afturvali. Harumframt vóru á fundinum hesi valevni skotin upp: Lasse Borðoy (StÍF) og Rolf Mouritsen (H71). Úrslitið var at hesi vóru vald: Sigvør Matras, Eydna Mikkelsen og Lasse Borðoy.

Sum fyrsti eykalimir var Rolf Mouritsen valdur og Leivur Michelsen sum annar

Síðani var farið til val av grannskoðara, sum var afturvaldur.

Seinast á skránni var Ymist. Her viðmerkti Gunn Ellefsen, at HSF hevur tørv fyri at fáa allar viðtøkur og reglugerðir savnaðar og skeyt upp at seta arbeiðsbólk at gera uppskot til eina samlaða reglugerð fyri HSF. Fundurin tók undir við hesum og í arbeiðsbólkin komu: Gunn Ellefsen, Eydna Midjord og Anna Rein.

Fundurin var lokin kl. 11.35

(Frágreiðing í fullari longd verður løgd út á netið í næstum)

HSF limafundur 15. mai 2010

Limafundurin varð hildin í Hotel Føroyum og byrjaði kl. 11.40 og endaði kl. 15.20. Døgurðasteðgur var millum kl.13.30 og kl. 14.00.

Á limafundinum vóru 11 feløg umboðað: Stjørnan, Tjaldur, StÍF, EB, KÍF, VÍF, Søljan, H71, Kyndil, Neistin og VB. Fundarstjóri var Kristian Johansen, form. Eftir døgurðasteðgin tók Margrið Weihe, næstforkv. yvir.

Limafundurin var soleiðis fyriskipaður, at uppskotini, ið arbeiðsbólkurin, sum á limafundi 20. mars 2010 var settur at endurskoða verandi kappingarleist og koma við uppskoti um framtíðarleist, vóru gjøgnumgingin og síðani varð atkvøtt um hvørt uppskotið sær. Vegna arbeiðsbólkin legði Anna Rein fram.

Uppskotini hjá arbeiðsbólkinum vóru býtt upp í hesar tríggjar høvuðsbólkarnar:

1)      Nýggj regla/áseting (Uppskot: 1-5)
2)      Broytingaruppskot (Uppskot: 6-8)
3)      Leiðreglur til HSF (Uppskot: 9-25)

Av hesum 25 uppskotnum vóru:

- 21 samtykt (uppskot: 1,2,3,4,5,6,7,8,9,10,13,14,15,16,17,20,21,22,23,24 og 25)

- 1 fall (uppskot: 12)

-  3 uppskot (uppskot: 11,18 og 19) vóru ikki endaliga avgreidd á fundinum, men vóru beind til starvsnevndina at fyrireika, soleiðis at atkvøðast kann um tey á limafundi seinni.

Les fundarfrágreiðingina her:

10-0515 HSF_ limafundur 15._mai_2010

Leygardagin 15. mai verða tveir HSF fundir á Hotel Føroyum

Kl. 10.00 HSF aðalfundur
Kl. 11.30 HSF limafundur

Meiri verður at frætta seinni

Frásøgn frá Challenge Trophy í Estlandi 2. til 4. apríl 2010

Tak frásøgnina niður :

Ferðafrásøgn frá Challenge Throphy í Tallinn apríl 2010