U14 dreingir
Fríggjadagin tann 28. februar kl. 18 til 21 verður skipað fyri savning av U14 dreingjum, tað eru dreingir føddir í 1995, 1996 og 1997. Tað verða Ingi Olsen, Gunnar Djurhuus og Anna Dam, sum saman við øðrum, fara at taka sær av U14 bólkinum.
Í fyrsta umfari er ætlanin, at feløgini sjálvi skulu velja leikarar út í aldursbólkinum dreingir 14 ár, sum vera mettir at vera egnaðir at vera partur av talentliði/ungdómslandsliði. Hóast útgangsstøðið er, at talan er um leikarar sum spæla í deildini d 14 ár so er møguligt, at einstakir serliga evnaríkir leikarar føddir í 1997 kunnu verða við. Fyri ikki at útiloka møguliga góð evni, verður einki fast leikaratal ásett, sum hvørt felagið kann velja út, litið verður á vit og skil og bestu sannføring hjá hondbóltsvenjarum/ leiðarum. HSF hevur sett ynski fram um, at feløgini eisini meta um, hvørt tey hava leikarar, sum eru serliga høgir/stórir og sum við røttu venjingini kunnu gerast góðir hondbóltsleikarar, hóast teir kanska í dag, tekniskt, ikki eru best fyri.
Ætlanin er at savna leikararnar 3-4 hvørja viku fram til summarfrítíðina, tá ein eftirmeting so fer fram. Um neyðugt fer ein útveljan fram eftir nakrar savningar.
Hervið verður tí heitt á tykkum at senda nøvn á leikarum til:
Umframt navn, ynskjast eisini hesir upplýsingar:
- føðingardagur
- bústaður
- fartelefonnummar hjá foreldrum og leikara
- teldupostadressa hjá foreldrum og leikara
- vanlig leikpláss á vøllinum
- hædd og vekt
Upplýsingarnar mugu verða okkum í seinasta lagi mikudagin 24. februar 2010 kl. 15.
Um tit hava nakað at spyrja um, eru tit vælkomin at ringja til Onnu á tlf. 519082, Inga á tlf. 230328 ella Gunnar 219082 – ella senda ein teldupost á u14dhsf@gmail.com
Vit gleða okkum at síggja tykkum.
Við heilsan
Ingi Olsen,
Gunnar Djurhuus,
Anna Dam
FAKTA:
Savning: fríggjadagin 26. februar
Tíð: kl. 18.00 til 21.00
Stað: Ítróttarhøllin í Vestmanna
Flutningur til/frá venjing: egin ábyrgd
Klæðir: vanlig venjingarklæði
Útgerð: egnan bólt og vatndunk
